अल अमीरात: अण्डर-१९ एशिया कपमा भारतले आफ्नो अभियानको शुरुवात जीतको साथ गऱ्यो। भारतीय टोलीले आफ्नो पहिलो म्याचमा नेपाललाई १० विकेटले पिट्यो। म्याचमा पहिला ब्याटिंग गर्दै नेपालको टीम ४२.३ ओभरमा केवल १२८ रन बनाएर अलआउट भयो। जवाफमा भारतले १८५ बल बाँकी रहँदै कुनै विकेट नगुमाइ १२९ रनको लक्ष्यलाई हासिल गऱ्यो। भारतका ओपनरद्वयले आज नेपालका बलरहरूलाई कुनै मौका दिएनन्। यसमा वीरेन्द्र सहवागका छोरा आर्यवीर सहवागले अविजित ७० रन बनाए। उनले ५२ बल खेलेर ७ वटा चौका र ४ वटा छक्का लगाए। यसरी कप्तान लक्ष्य रायचन्दानी ६३ बलमा अविजित ५३ रन बनाए, जसमा ७ वटा चौका सामेल छ। आर्यवीर र लक्ष्यले शुुरुवातमा धैर्यको साथ खेले पनि विकेटमा हात सेट भएपछि आक्रामक शट्हरू खेले। यी दुईजनाले विशेषगरी नेपालका स्पिनरहरूलाई निशाना बनाए। यसरी भारतले १९.१ ओभरमै म्याच जितेर टुर्नामेण्टमा सकारात्मक शुुरुवात गऱ्यो। यस अघि ओमानको अल अमीरात क्रिकेट ग्राउण्डमा टस हारेर पहिला ब्याटिंग गर्दै नेपालको शुरुवात खराब रह्यो। यसरी १० ओभर भित्र २७ रनमै ३ विकेटको पतनपछि नेपालले ईनिंग्सलाई सम्हाल्न सकेन। नेपालको तर्फबाट दर्श सोनारले सर्वाधिक ४३ रन बनाए। उनले ९३ बल खेलेर एउटा चौका र एउटा छक्का लगाए। यसरी आशिष लुहारले २९ र निरज कुमार यादवले २० रनको योगदान दिए। भारतीय बलरहरूमा इशान सूद र अर्जुन राजपुतले ३-३ विकेट हासिल गरे। यसरी यशवीर गौड़को झोलीमा २ विकेट रह्यो। इशान सूदलाई प्लेयर अफ द म्याच चयन गरियो।

खरसाङ: खरसाङ बजारमा तिहारको रमझमसितै धन्तेरसको अवसरमा मानिसहरुको भीडभाड देखियो। मानिसहरु खरसाङ बजारमा तिहारको तयारीको लागि किनबेचमा व्यस्त देखियो भने धन्तेरसको लागि सर सामानहरु भीडभाडको साथमा किनिरेहको देखियो। तर बजारमा जत्ति नै भीडभाड देखिए पनि बिक्री भने गत वर्षहरुको तुलनामा धेरै कम्ती भएको दोकानदारहरुले बताएका छन्। यसपाली खरसाङ बजारमा मुख्य रुपमा स्थानीय रुपमा उत्पादन गरिएको सयपत्री र मखमली फूलहरुभन्दा मधेसतिरबाट ल्याएको फूलहरु बेसी देखियो। यसको अतिरिक्त यसपाली खरसाङ बजारमा प्लास्टिकको फूलहरु अध्याधिक रुपमा देखियो। यसपाली सयपत्री र मखमली फूलको सट्टा प्लास्टिकको फूलहरुले नै काम चलाउनु पर्ने जस्तो देखिएको छ। किनभने बेसी मात्रामा प्लास्टिकको फूलहरु बजारमा प्रशस्त रुपमा बिक्रीमा देखिएको छ‌। यसको साथै बजारको केही स्थानतिर मात्र सिटोङ क्षेत्रबाट ल्याइएको सयपत्री, मखमली आदि फूलहरु बिक्रीमा राखिएको देखिएको छ। यसको साथै धानको बाला, सयपत्री, अन्य फूलहरु सबै मधेसतिरबाट ल्याएर बिक्रीमा राखिएको देखिएको छ। यसपाली प्लास्टिकको फूलहरुको भरमा नै तिहार टार्नु पर्ने बाध्यता देखिएको छ‌। यसको साथै महँगाईको मारले पनि यसपाली गत वर्षको तुलनामा कम सर सामानहरु बिक्री भएको खरसाङ बजारका दोकानेहरुले बताएका छन्। विशेष गरेर मानिसहरुको तिहारको काग तिहारभन्दा पनि धन्तेरसको सर सामानहरु किन्न भीड देखिएको र नेपाली गोर्खाहरुको महान् चाड तिहारलाई ध्यान दिनु भन्दा बेसी धन्तेरसपट्टि ध्यान दिएको धेरैले बताएका छन्। विशेष गरेर नेपालीहरुको महान चाड तिहारमा कुचो, माना, नाङ्लो, डोको, थुङ्चे लगायत हर्दी, नून किन्नु पर्ने तर नेपाली जातिको परम्पराभन्दा अन्य जातिको परम्परामा अनुसार धन्तेरस भन्दै पित्तलको सर सामानहरु किनेको धेरैले‌ बताएका छन्।‌यसपालीको तिहारको अवसरमा बिक्री पनि कम भएको सबैले बताएका छन्। यस विषयमा पत्रकारहरुसित कुराकानी गर्दै खरसाङ बजारका एकजना दोकाने तथा खरसाङ हाट बजार व्यवसायी संगठनका सभापति राजु सेवाले यसपालीको तिहारमा पहिलाको जस्तो हर्षोल्लास छैन, कुनै जोश छैन, व्यापार पनि कम छ भनी बताएका छन्। उनले यसपाली महंगाईको‌‌ मार जनताले भोगिरहेका छन्। किनभने धन्तेरसको समयमा पनि बिक्री धेरै हुनु पर्ने तर यसपाली कम छ भनी बताएका छन्। उनले भने, हामीले नेपाली परम्परा बिर्सेर अरुको परम्परा पछाड्दैछौं र नेपाली परम्परा अनुसार सयपत्री, मखमली, कुचो, माना, नाङ्लो, डोको, थुङ्चे लगायत हर्दी, नून किन्नु पर्ने तर हामी अरु जातिले जस्तै धन्तेरसपट्टि लागिरहेका छौँ। तर आज तिहारको काग तिहार हो।’

खरसाङ: मिरिक निवासी अनमोल सेञ्चुरी, हर्षवर्ध्दन श्रृङ्खलाको सहयोगमा सकुशल घर फर्कि आएका छन् । उनलाई म्यानमारमा अपहरण भएको र त्यहाँ उनलाई अमानवीय यातना दिइएको जानकारी पाएपछि तथा उनकी आमा नीलम सेञ्चुरीको आग्रहपछि हर्षवर्ध्दन श्रृङ्खलाले तत्काल यस विषयमा विदेश सचिव समक्ष पत्रमार्फत कुरा उठाएका थिए। यसको साथै म्यानमार र कम्बोडियास्थित भारतका राजदूतहरूसँग पनि यस विषयमा पहल गरेक थिए। उनीहरूको शीघ्र पहल र धेरै शुभचिन्तकहरूको सहयोगले अनमोललाई सकुशल स्वदेश फर्काउन महत्वपूर्ण भूमिका खेलेको बताइएको छ। ‎दुर्भाग्यवश, अपहरणमा परेको समयमा अनमोलले गम्भीर चोटहरू सहनुपरेको छ। उनको हात भाँचिएको छ, टाउकोमा चोट लागेको छ र शरीरका अन्य भागमा पनि घाउहरू छन्। उनको उपचारका लागि दिल्लीमा आवश्यक व्यवस्था मिलाइएको बताइएको छ।‎‎उनको सकुशल फिर्तीका लागि सहयोग गर्ने र पहल गर्ने सबैप्रति उनका परिवारले हार्दिक आभार व्यक्त गरेका छन।‎

व्यवसायी सुकल्हामु शेर्पासहित अनेकौँ कार्यकर्ता भाजपामा सामेल ​गान्ताेक: सिक्किममा भारतीय जनता पार्टी (भाजपा)-लाई सङ्गठनात्मक रूपमा अझ सुदृढ बनाउने क्रममा पाक्याङ जिल्लाअन्तर्गत चुजाचेन निर्वाचन क्षेत्रका विशिष्ट व्यवसायी सुकल्हामु शेर्पासहित धेरैजना कार्यकर्ताहरू आज औपचारिक रूपमा भाजपामा सामेल भएका छन्।​ग्याङतोकस्थित भाजपाको सिटी कार्यालयमा आयोजित एक विशेष कार्यक्रमका बीच भाजपा सिक्किम प्रदेश अध्यक्ष डिआर थापाले नयाँ सदस्यहरूलाई खदा लगाई हार्दिक स्वागत गर्दै पार्टीमा भित्र्याए।​यस अवसरमा पार्टी प्रवेश गर्नेहरूले भारतका प्रधानमन्त्री नरेन्द्र मोदीको दूरदर्शी नेतृत्व, भाजपाको राष्ट्रवादी विचारधारा अनि देश र राज्यको विकासप्रतिको प्रतिबद्धतामाथि पूर्ण आस्था व्यक्त गरेका छन्। उनीहरूले ‘विकसित भारत’ र ‘विकसित सिक्किम’-को साझा लक्ष्यलाई साकार पार्न भाजपाको अभियानमा सक्रियताका साथ जोडिने प्रतिबद्धता समेत जनाए।​कार्यक्रममा पार्टीका वरिष्ठ नेता, पदाधिकारी तथा स्थानीय कार्यकर्ताहरूको बाक्लो उपस्थिति रहेको थियो

​सिलगढी: पहाडी तथा तराई क्षेत्रमा शान्ति, सुरक्षा र जनस्वास्थ्य कायम राख्ने उद्देश्यका साथ सिलगढी पुलिस कमिश्नरेटले अवैध मदिरा विरुद्ध आफ्नो कडा कदम निरन्तर जारी राखेको छ। यसै क्रममा सिलगढी महिला थाना, विनर्स टोली, ०२ वटा पिङ्क आरटी मोबाइल भ्यान तथा प्रधाननगर थानाको संयुक्त टोलीले मोहोरगाउँ गुल्मा चिया बगान क्षेत्रमा एक विशेष छापामारी अभियान सञ्चालन गरेको छ।​उक्त कारबाहीका क्रममा चिया बगान क्षेत्रभित्र अवैध रूपमा तयार पारिँदै गरेको कच्चा देशी रक्सी (चुलु) र सो बनाउन प्रयोग गरिने विभिन्न सामग्रीहरू फेला परेका थिए। पुलिस टोलीले भेटिएका सम्पूर्ण अवैध रक्सी तथा कच्चा पदार्थहरूलाई घटनास्थलमै नष्ट गरिदिएको छ।​सिलगढी पुलिस कमिश्नरेटले क्षेत्रमा हुने सबै किसिमका गैरकानुनी गतिविधिहरूलाई पूर्ण रूपमा नियन्त्रण गर्न र आम नागरिकको सुरक्षा सुनिस्चित गर्न पुलिस टोली सधैँ तत्पर रहेको र यस्ता अभियानहरू निरन्तर चलिरहने जनाएको छ। ​

​सिलगढी: विद्यार्थीहरूलाई सुर्तीजन्य पदार्थको कुलतबाट जोगाउने तथा शैक्षिक क्षेत्रलाई पूर्ण रूपमा सुरक्षित र स्वस्थ बनाउने उद्देश्यले सिलगढी पुलिस कमिश्नरेट अन्तर्गतका विभिन्न थानाहरूले विशेष अभियान सञ्चालन गरेका छन्। यस अभियान अन्तर्गत विद्यालय परिसर तथा आसपासका क्षेत्रमा सञ्चालनमा रहेका दाेकानहरूमा शैक्षिक संस्थाहरू नजिकै सुर्तीजन्य पदार्थ नियन्त्रण ऐन (कोटपा) को पालना भए नभएको बारे कडा अनुगमन तथा जाँच गरिएको छ।​यस विशेष पहलको मुख्य उद्देश्य स्कुल तथा कलेज वरिपरि सुर्तीजन्य पदार्थको बिक्रीवितरण तथा सेवनलाई रोक्नु र बालबालिका तथा युवा पुस्तालाई यसको नराम्रो प्रभावबाट बचाउनु रहेको छ।​सिलगढी पुलिस कमिश्नरेटले बालबालिकाको सुनौलो भविष्य तथा उनीहरूको स्वास्थ्य सुरक्षाका लागि यस्ता जनहितकारी तथा कानुनी कारबाहीहरू आगामी दिनहरूमा पनि निरन्तर जारी रहने प्रतिबद्धता व्यक्त गरेको छ।

उत्कृष्ट विद्यालय, शिक्षक र विद्यार्थीहरू सम्मानित ​गान्ताेक: पहाडी काखमा अवस्थित गान्ताेकन्स्थित सम्मान भवनको भव्य सभाहलमा आज हिमाली राज्य सिक्किमका सरकारी विद्यालयहरूमा स्वच्छ खानेपानी, ढल निकास तथा स्वच्छता प्रवर्द्धन गर्ने उद्देश्यका साथ ‘सुलभ अल्केम स्वच्छता पुरस्कार २०२६’ (आगाज ३.०) भव्य रूपमा सम्पन्न भएको छ। सुलभ स्यानिटेशन क्लब (नयाँ दिल्ली), अल्केम फाउन्डेसन र सिक्किम सरकारको शिक्षा विभागको संयुक्त आयोजनामा सञ्चालन भएको यस विशेष समारोहमा राज्यका दुर्गम तथा सुगम क्षेत्रका विद्यालयहरूमा स्वच्छता कायम राख्न अतुलनीय योगदान पुर्‍याउने शिक्षक, विद्यार्थी तथा विद्यालयहरूलाई कदरपत्र र पुरस्कारद्वारा सम्मानित गरियो।​समारोहमा सिक्किमका शिक्षा, खेलकुद तथा युवा मामिला मन्त्री श्री राजु बस्नेत मुख्य अतिथिका रूपमा उपस्थित हुनुहुन्थ्यो। त्यसैगरी मुख्यमन्त्रीका प्रधान सचिव श्री रिन्जिङ छेवाङ भुटिया, शिक्षा विभागका प्रधान सचिव डा. सन्दीप चाम्बे, विद्यालय शिक्षा सचिव श्री ताशी छोपेल लेप्चा, सुलभ इन्टरनेसनलका नियन्त्रक महानिर्देशक श्री पङ्कज जैन तथा अल्केम ल्याबोरेटरिज सिक्किमका वरिष्ठ उपाध्यक्ष श्री रविन्दर चकिलम लगायत विभिन्न उच्चपदस्थ अधिकारीहरू, विभिन्न जिल्लाका शिक्षक तथा विद्यार्थीहरूको बाक्लो उपस्थिति रहेको थियो। समारोहलाई सम्बोधन गर्दै मुख्य अतिथि मन्त्री राजु बस्नेतले स्वच्छता अभियानमा अहोरात्र खटेर पुरस्कार जित्न सफल सम्पूर्ण विद्यालय, शिक्षक तथा विद्यार्थीहरूलाई हार्दिक बधाई दिनुभयो। उहाँले सुलभ इन्टरनेसनलले भारतभर सार्वजनिक सरसफाइ संरचनामा पुर्‍याएको योगदानको उच्च प्रशंसा गर्दै सिक्किममा शिक्षा विभागको ‘मेरो स्कुल, मेरो भागीदारी’ अभियान मार्फत सार्वजनिक तथा संस्थागत सामाजिक उत्तरदायित्वका कामहरूलाई थप व्यवस्थित र प्रभावकारी बनाइने बताउनुभयो। यसका साथै मन्त्री बस्नेतले विद्यार्थीहरूलाई घोकन्ते ज्ञानमा मात्र सीमित नरही व्यावहारिक सोच, जिज्ञासा र नवीन विचारको विकास गर्न प्रेरणा दिनुभयो।​कार्यक्रमका क्रममा सिक्किमका विभिन्न विद्यालयहरूमा सञ्चालन गरिएका स्वच्छता अभियानमा आधारित एउटा छोटा वृत्तचित्र प्रदर्शन गरिनुका साथै बालबालिकाहरूलाई खेलकै माध्यमबाट स्वच्छतासम्बन्धी ज्ञान दिन ‘वाश इन्टरएक्टिभ गेम’ (प्लेबुक र क्यारम बोर्ड) सार्वजनिक गरिएको थियो। समारोहमा वातावरण तथा विद्यालय परिसर सफा राख्न उत्कृष्ट भूमिका खेल्ने विद्यार्थीहरू लिजाङ लेप्चा, आयुष शर्मा तथा नोडल शिक्षिका एक्वाइनो शर्माले आफ्ना अनुभव र विचार साझा गर्नुभएको थियो।​यस वर्षको बहुप्रतिष्ठित ‘स्वच्छता स्कुल च्याम्पियन अवार्ड’ सरकारी वरिष्ठ माध्यमिक विद्यालय मामरिङले हात पार्न सफल भयो। त्यसैगरी चाकुङकी लिजाङ राई, नाम्चीकी अञ्जेल लेप्चा, रन्हेनोककी स्वीकृति निरौला, देउरालीकी अर्चना कुमारी, माचोङकी अयोगिता शर्मा, असम लिङ्जेकी प्रतिमा छेत्री, पेरबिङकी अस्मिता प्रधान, बरापाथिङकी रिलेज भुटिया, मामरिङका अरमान मङ्गर तथा रङ्पोकी अञ्जनी कुमारीजस्ता होनहार विद्यार्थीहरू स्वच्छता पुरस्कारबाट सम्मानित भए। शिक्षकहरूतर्फ पेरबिङकी पूजा छेत्री, रङ्पोकी सृजना शर्मा र नाम्चीकी प्रधानाध्यापक वन्दना राईलाई स्वच्छता अभियानमा देखाएको नेतृत्वका लागि सम्मानित गरियो। पाक्याङकी जिल्ला सूचना अधिकारी डिकी डोमा भुटियालाई पनि स्वच्छता सचेतना र सूचना सम्प्रेषणमा पुर्‍याएको योगदानको कदर गर्दै विशेष सम्मान प्रदान गरियो। यसअघि स्वागत मन्तव्य राख्दै सुलभ इन्टरनेसनलका नियन्त्रक महानिर्देशक श्री पङ्कज जैनले सिक्किमका १३ वटा विद्यालयमा सुरक्षित खानेपानी, सफा शौचालय र दिवा खाजाको सरसफाइ सम्बन्धी प्रभावकारी काम भइरहेको जानकारी गराउनुभयो। उहाँले सिक्किमको यो सरसफाइ मोडल सम्पूर्ण देशकै लागि एउटा उत्कृष्ट नमुना बन्ने विश्वास व्यक्त गर्नुभयो। कार्यक्रमको समापन अल्केम ल्याबोरेटरिजका वरिष्ठ उपाध्यक्ष श्री रविन्दर चकिलमको धन्यवाद ज्ञापनसँगै भएको थियो।

​नयाँ दिल्ली: क्रिकेटको मैदानमा आफ्ना ब्याटले उत्कृष्ट इनिङ्स खेल्ने भारत रत्न सचिन तेन्दुलकरले कलमबाट पनि एक सुन्दर इनिङ्स खेले र ‘प्लेइंग इट माइ वे’ शीर्षकमा क्रिकेटसँग जोडिएका आफ्ना अनुभवहरू साटासाट गरे। यो पुस्तकको ६ नोभेम्बर २०१४ मा विमोचन भएको थियो। यद्यपि सरल र सहज सचिनको जीवन खुला किताबझैँ उनका प्रशंसकहरूमाझ रहेको छ, तर यो पुस्तकका बारेमा उनले भनेका थिए कि यो ‘मेरो लागि एक भिन्न किसिमको इनिङ्ससरह हो, जसमा म विगत तीन वर्षदेखि काम गरिरहेको थिएँ।’ उनले भनेका थिए कि आफ्नै खेल झैँ उनले यस पुस्तकमा आफ्ना जीवनका विभिन्न पक्षहरूको इमानदारीसाथ वर्णन गरेका छन्।​देश-दुनियाको इतिहासमा ६ नोभेम्बरको मितिमा दर्ज गरिएका केही अन्य महत्त्वपूर्ण घटनाहरूको सिलसिलेवार विवरण यसप्रकार छ:​१७६३: ब्रिटिस इस्ट इन्डिया कम्पनीको सेनाले मीर कासिमलाई पराजित गर्दै पटनामाथि नियन्त्रण हासिल गरेको थियो। मीर कासिम बंगालका नवाब थिए, जो अङ्ग्रेजहरूको (इस्ट इन्डिया कम्पनी) बढ्दो हस्तक्षेप र व्यापारीक दुरुपयोग (दस्तक प्रथा) बाट हैरान थिए। अङ्ग्रेज र मीर कासिमबीच कटवा, गिरिया र सुतीजस्ता ठाउँहरूमा थुप्रै झडपहरू भए, जसमा नवाबको सेना पछि हट्नुपरेको थियो। अङ्ग्रेजहरूबाट लगातार पराजय बेहोरेपछि मीर कासिम पटनातर्फ पछि हटे। अन्ततः ६ नोभेम्बर १७६३ मा मेजर एडम्सको नेतृत्वमा ब्रिटिस सेनाले पटनामाथि पूर्ण अधिकार जमायो।​१८१३: चिइल्पांसिंगोको कांग्रेसमा मेक्सिकोले औपचारिक रूपमा स्पेनबाट आफ्नो स्वतन्त्रताको घोषणा गरेको थियो। यो घोषणा ‘गम्भीर ऐन’ को माध्यमबाट गरिएको थियो, जसलाई जोस मारिया मोरेलोसको नेतृत्वमा क्रान्तिकारी सरकारले हस्ताक्षर गरेको थियो। यद्यपि, स्पेनी साम्राज्यले यो स्वतन्त्रतालाई तुरुन्त मान्यता दिएको थिएन।​१८४४: यस दिन डोमिनिकन गणतन्त्रले आफ्नो पहिलो संविधानलाई अपनाएको थियो। डोमिनिकन गणतन्त्रले २७ फेब्रुअरी १८४४ मा हाइटी (Haiti) बाट आफ्नो स्वतन्त्रताको घोषणा गरेको थियो। स्वतन्त्रता प्राप्त भएको केही महिनापछि, ६ नोभेम्बर १८४४ का दिन देशको पहिलो संविधान आधिकारिक रूपमा लागू गरियो, जसलाई सान क्रिस्टोबालमा तयार पारिएको थियो। यसैकारण डोमिनिकन गणतन्त्रमा ६ नोभेम्बरलाई संविधान दिवसको रूपमा मनाइन्छ।​१८६०: अव्राहम लिंकन संयुक्त राज्य अमेरिकाका १६औँ राष्ट्रपति निर्वाचित भएका थिए र उनी यो पद जित्ने पहिलो रिपब्लिकन पार्टीका नेता बने। यो चारतर्फी प्रतिस्पर्धामा उनले दक्षिणी डेमोक्रेट जोन सी. ब्रेकन्रिज, कन्स्टिच्युशनल युनियन पार्टीका जोन बेल र उत्तरी डेमोक्रेट स्टिभन डगलसलाई पराजित गरेका थिए।​१९०३: पानामाले ३ नोभेम्बर १९०३ मा कोलम्बियाबाट आफ्नो स्वतन्त्रताको घोषणा गरेको थियो। संयुक्त राज्य अमेरिकाले कोलम्बियाबाट छुट्टिएर बनेको पानामा गणतन्त्रलाई आधिकारिक रूपमा स्वतन्त्र राष्ट्रको रूपमा मान्यता प्रदान गरेको थियो। अमेरिकी राष्ट्रपति थियोडोर रुजवेल्टले पानामाको यस विद्रोहलाई समर्थन गरेका थिए र कोलम्बियाली सेनालाई रोक्न आफ्ना नौसेना पठाएका थिए।​१९१३: महात्मा बान्धीलाई दक्षिण अफ्रिकामा ‘द ग्रेट मार्च’ (भारतीय खनन मजदुर र सत्याग्रहीहरूको र्याली) को नेतृत्व गरेको कारण गिरफ्तार गरिएको थियो। गान्धीजीले दक्षिण अफ्रिकामा भारतीयहरूमाथि लगाइएको ३ पाउन्डको वार्षिक कर, अन्यायपूर्ण पास कानुन र भेदभावपूर्ण नीतिहरूको विरोधमा यो आन्दोलन सुरु गरेका थिए।​१९१७ (रुसी पात्रोअनुसार २४ अक्टोबर १९१७): रुसी क्रान्तिको दोस्रो चरण (बोल्सेविक क्रान्ति वा अक्टोबर क्रान्ति) को सुरुवात भएको थियो। भ्लादिमीर लेनिनको नेतृत्वमा बोल्सेविकहरूले पेट्रोग्राद (हाल सेन्ट पिटर्सबर्ग) मा तत्कालीन अस्थायी सरकारविरुद्ध कु (सत्तापलट) को कारबाही सुरु गरे।​१९४२: द्वितीय विश्वयुद्धको समयमा ब्रिटिस यात्री जहाज ‘एसएस सिटी अफ काहिरा’ लाई जर्मन पनडुब्बी यू-६८ ले दक्षिण अटलान्टिक महासागरमा डुबाइदियो। यस जहाजमा करिब ३११1 जना (यात्री र चालक दल) सवार थिए। यसका साथै, यसमा ब्रिटिस युद्ध प्रयासहरूको फाइनान्सिङका लागि १०० टन चाँदीका सिक्का (करिब ७४ लाख चाँदीका रूपैयाँ) लोड गरिएका थिए, जुन भारतबाट इङ्गल्याण्ड लगिँदै थियो।​१९४३: द्वितीय विश्वयुद्धका क्रममा जापानले बेलायतबाट जितेको अण्डमान र निकोबार द्वीप समूहको प्रशासनिक नियन्त्रण नेताजी सुभाषचन्द्र बोसको नेतृत्व It वाली आजाद हिन्द सरकारलाई सुम्पिएको थियो। जापानी प्रधानमन्त्री जनरल हिदेकी तोजोले ग्रेटर ईस्ट एशिया कन्फरेन्स (टोकियो) को दौरान यी टापुहरूलाई आजाद हिन्द सरकारलाई सुम्पिने घोषणा गरेका थिए।​१९४९: युनान (ग्रिस) को विनाशकारी गृहयुद्ध आधिकारिक रूपमा समाप्त भएको थियो। द्वितीय विश्वयुद्धपछि सुरु भएको यो द्वन्द्व आधुनिक इतिहासको सबैभन्दा महत्त्वपूर्ण सुरुवाती शीतयुद्ध द्वन्द्वहरूमध्ये एक थियो। यो युद्ध युनानी सरकारी सेना (जսलाई बेलायत र संयुक्त राज्य अमेरिकाको समर्थन प्राप्त थियो) र युनानको कम्युनिस्ट पार्टीको सैन्य शाखा ‘डेमोक्रेटिक आर्मी अफ ग्रिस’ का बीच लडिएको थियो।​१९५६: सुएज सङ्कटका दौरान ब्रिटिस र फ्रान्सेली सेनाहरू (मित्र देशका सेनाहरू) ले इजिप्टको सुएज नहर क्षेत्र (विशेष गरी पोर्ट साइड र पोर्ट फुआद) मा कब्जा जमाए। इजिप्टका राष्ट्रपति गमाल अब्देल नासिरले जुलाई १९५६ मा सुएज नहरको राष्ट्रियकरण गरेका थिए। यसको जवाफमा बेलायत, फ्रान्स र इजरायलले इजिप्टविरुद्ध एक गुप्त सम्झौता गरी सैन्य कारबाही सुरु गरेका थिए।​१९६२: भारत सरकारले राष्ट्रिय रक्षा परिषद्को गठन गरेको थियो। भारत-चीन युद्धपछि देशको सुरक्षा व्यवस्थालाई बलियो बनाउन र प्रधानमन्त्रीलाई राष्ट्रिय सुरक्षा एवं सामरिक मामिलामा सल्लाह दिनका लागि यसको स्थापना गरिएको थियो।​१९९०: नवाज सरिफ पहिलो पटक पाकिस्तानका प्रधानमन्त्री बनेका थिए। उनी बेनजीर भुट्टोका उत्तराधिकारीको रूपमा पाकिस्तानका १२औँ प्रधानमन्त्री बने। उनले इस्लामी जम्हूरी इत्तेहाद मोर्चाको नेतृत्व गर्दै नेसनल एसेम्बलीमा बहुमत हासिल गरेका थिए।​१९९४: अफगानिस्तानमा शान्ति बहालीको प्रयासअन्तर्गत बुरहानुद्दीन रब्बानीको गुटले संयुक्त राष्ट्रसङ्घको अफ्गान शान्ति योजनालाई स्वीकार गरेको थियो।​१९९८: पाकिस्तानले सियाचिन ग्लेसियरमा युद्धविराम लागू गर्ने भारतको प्रस्तावलाई औपचारिक रूपमा खारेज गरिदियो। भारतले दुई देशबीचको तनावलाई कम गर्न र विश्वको सबैभन्दा उच्च युद्धक्षेत्रमा भइरहेको सैनिकहरूको क्षतिलाई रोक्न एक गैर-आक्रामक युद्धविरामको प्रस्ताव गरेको थियो। पाकिस्तानले यो प्रस्तावलाई जबसम्म सियाचिनबाट सैनिकहरूको पूर्ण फिर्ती र १९८४ भन्दा अघिल्लो स्थितिको बहाली हुँदैन, तबसम्म केवल युद्धविरामको कुनै अर्थ नहुने भन्दै नामंजूर गर्दियो।​२०००: भारतका प्रमुख कम्युनिस्ट नेता ज्योति बसुले स्वास्थ्य कारण देखाउँदै लगातार २३ वर्षभन्दा बढी समय सेवा गरेपछि पश्चिम बंगालको मुख्यमन्त्री पदबाट राजीनामा दिएका थिए। उनीपछि बुद्धदेव भट्टाचार्यलाई पश्चिम बंगालको नयाँ मुख्यमन्त्री बनाइयो।​२००४: रुसका राष्ट्रपति भ्लादिमीर पुटिनले क्योटो प्रोटोकलमा हस्ताक्षर गरी यसको पुष्टि गरेका थिए। रुसको यस ऐतिहासिक कदमपछि मात्र यो विश्वव्यापी वातावरणीय सम्झौता विश्वभर आधिकारिक रूपमा लागु हुन सकेको थियो।​२००८: स्टेट बैंक अफ इन्डियाले प्रधान ब्याज दर र निक्षेपकर्ताहरूको कटौतीको घोषणा गर्यो। यस ऐतिहासिक निर्णयको मुख्य उद्देश्य बजारमा तरलता बढाउनु र विश्वव्यापी वित्तीय सङ्कटको समयमा आर्थिक गतिलाई कायम राख्नु थियो।​२०१३: भारत सरकारद्वारा महान क्रिकेटर सचिन तेन्दुलकर र प्रसिद्ध वैज्ञानिक प्राध्यापक सी.एन.आर. रावलाई देशको सर्वोच्च नागरिक सम्मान ‘भारत रत्न’ दिने घोषणा गरिएको थियो।​२०१४: महान भारतीय क्रिकेटर सचिन तेन्दुलकरको आत्मकथा ‘प्लेइंग इट माइ वे’ को आधिकारिक विमोचन गरिएको थियो। यो पुस्तक सचिन तेन्दुलकर र प्रसिद्ध खेल पत्रकार बोरिया मजुमदारद्वारा सह-लेखन गरिएको हो।​२०१६: हिमाचल प्रदेशको मण्डी जिल्लामा ब्यास नदीमा एक यात्रुबाहक बस खस्दा १७ जनाको मृत्यु भयो र २८ भन्दा बढी मानिसहरू गम्भीर घाइते भए।​२०१७: वित्तीय जगतको सबैभन्दा ठूलो खुलासा ‘प्याराडाइज पेपर्स’को नामबाट बाहिर आयो। यसमा संसारका सबैभन्दा धनी व्यक्तिहरू र राजनीतिज्ञहरूले कर छली गरेको र विदेशमा (अफशोर कम्पनीहरू) गुप्त रूपमा कालो धन लुकाएका कागजातहरू सार्वजनिक गरिएका थिए। यो सूचीमा ७१४ जना भारतीयका नामहरू पनि सामेल थिए।​२०१९: इस्लामिक स्टेट का बन्दुकधारीहरूले ताजिकिस्तान र उज्बेकिस्तान सीमामा अवस्थित एक सुरक्षा चौकीलाई निशाना बनाए, जसमा सुरक्षाकर्मीहरूको कारबाही

​सिलगढी। प्रतिबन्धित लागुऔषधको अवैध कारोबार भइरहेको विशेष सुराकीका आधारमा सिलगढी पुलिस कमिश्नरेट अन्तर्गतको टोलीले ठूलो परिमाणको लागुऔषधसहित तीनजनालाई पक्राउ गरेको छ। भक्तिनगर थाना र विशेष अपरेसन समूह (एसओजी) को संयुक्त टोलीले पिसि मित्तल बस टर्मिनल क्षेत्रमा छापा मारी उनीहरूलाई नियन्त्रणमा लिएको हो।​पुलिसका अनुसार पक्राउ पर्नेहरूमा उत्तर डिनाजपुरका बासिन्दा ५२ वर्षीय मोहम्मद अलीम तथा मालडाका ३२ वर्षीय शरीफुल इस्लाम र २८ वर्षीय रबिुल मियाँ रहेका छन्। उनीहरूको साथबाट तीनवटा छुट्टाछुट्टै प्याकेटमा लुकाइछिपाइ राखिएको कुल दुई किलो १० ग्राम (२.०१० केजी) शङ्कास्पद ब्राउन सुगर बरामद गरिएको छ। साथै, उनीहरूका साथबाट लागुऔषध कारोबारमा प्रयोग भएका मोबाइल फोन तथा अन्य सञ्चार उपकरणहरू पनि जफत गरिएको पुलिसले जनाएको छ।​घटनाबारे भक्तिनगर थानामा लागुऔषध नियन्त्रण ऐन (एनडीपीएस अधिनियम, १९८५) अन्तर्गत मुद्दा दर्ता गरी थप अनुसन्धान अगाडि बढाइएको छ। पक्राउ, खानतलासी तथा जफतका सम्पूर्ण प्रक्रियाहरू कानुनले तोकेको मापदण्ड र निर्देशिकालाई पूर्ण रूपमा पालना गरी सम्पन्न गरिएको पुलिस कमिश्नरेटले स्पष्ट पारेको छ।